【Viu】Phoebus@P1X3L今日以頒獎嘉賓身份現身婚禮雜誌頒獎禮，一身白馬王子Look亮相，成個新郎咁款，佢話本身有西裝癖，係本色演出！Phoebus自爆練澎湃肌肉中，目標要增20磅，但距離大表波仲有超長時間，所以早排去泰國拍綜藝，都唔敢除衫。
米露迪負責着婚紗行Catwalk show，米媽話做嘢着過好多次唔驚嫁唔出，但從來冇人求過婚，又爆日前被叫「阿姐」喎！米媽又透露希望將來婚禮可着外國流行嘅下身See Through婚紗，但就唔接受鬼佬做另一半。
而BabyJohn都係負責頒獎，佢慨嘆2013年結婚時瘦到似隻鶴，件禮服係朋友為佢度身訂造，今日已經着唔到。又爆《空肚講宵夜》將會停廠幾個月，所以最近應該唔會肥落去咁話！
