【Viu】Philip伍允龍憑《九龍城寨之圍城》嘅「王九」一角人氣急升，今日仲去埋米線店吸金，同「三哥蔡思韵」過兩招不特止，仲用「王九笑」嚟撈薯粉，連飲嘢都講金句：「我頂！」笑爆全場！
雖然Philip聽唔明咩叫「豬籠入水」，但希望Event同廣告長撈長有，身材good fit嘅佢亦唔介意拍內褲廣告，各位「伍太太」快啲誠心許願啦！Philip又笑言每次謝票見到全院滿座，都以為自己拍咗套好似《流星花園》咁嘅偶像劇，又放風話想拍「愛情功夫喜劇」。咁現實中嘅「女主角」又有咩條件呢？除咗有愛心同靚女之外，原來Philip仲對某類女仔情有獨鍾，係咪好想知呢？
講到《九》片票房突破1億，大有機會成為香港電影史上華語片票房冠軍，Philip就預告會派咩福利喇！今次同笑聲冇關，反而同歌聲有關喎！想知就睇足本訪問啦！
