【Viu】女團Lolly Talk今日現身尖沙嘴出席活動，跳唱最新應援歌，吸引數百波板糖瘋狂尖叫！
阿蛋負傷上陣，唔能夠企太耐，跳舞後要坐櫈仔休息。佢自認曳曳，右腳骨裂未完全康復就不停行路，經常要一班姊妹揹住行快兩步，個個都爭做大力妹，不過阿蛋話最驚畀生得高大嘅Tania抱起，反而Mei Mei最「貼地」較隱陣，笑cry呀！今次係佢哋第二年做廣告代言人，冇透露酬勞加薪幅度，但肯定嘅係拍攝現場多咗好多零食，並推舉Yanny係為食妹。
早前Lolly Talk 跟前乃木坂46其中3位成員合作跳《三分甜》，佢哋話從對方身上學到好多嘢，更發現自己原來好嘈，希望唔好嚇親對方。對於新女團VIVA進軍樂壇，8女話唔怕僧多粥少削弱搵錢機會，下月就係佢哋成軍2周年，見近日MIRROR見面祭咁成功，佢哋都表示值得參考，想知嚟緊仲有咩大計？記得睇足本訪問。
