【viu】《三叔公園》破處搞talk show，首場順利舉行！騷後訪問，「阿Bu」姚家豪笑話嚟緊仲有4場，但總算可以鬆一口氣！余迪偉又指通常做騷逢「2」就最易出事，所以Day 2 日、夜兩場都不能鬆懈，而「灘叔」鄒凱光就話誓要打破數據，並乘機「投訴」被老細阿Bu揸乾揸盡，本身5場已經夠吃力，踢爆阿Bu想加埋早場、午夜場添！
講到三位叔叔嘅solo部份，余迪偉話同肌肉男埋身並非自肥，而係畀導演逼！灘叔以打工仔角度控訴老細，佢抵死笑話擺明係衝住阿Bu而寫！阿Bu唱情歌冧老婆利君牙自認係公器私用，仲話其實老婆一早知佢會唱歌，大講金句：「結咗婚唔使太多驚喜！」又指利君牙畀咗好多意見佢，甚至叫佢模仿MIRROR唱歌添！
至於最令三位感到淆底嘅部份，就係最後嗰part嘅大合唱！余迪偉自爆每次排練都會喊，因為內容太感人，首場on show盡量扮優雅抹眼淚，激罕獻sing嘅灘叔自嘲似嗌口號多過唱歌，仲透露靠一招嚟鎮定情緒添！想知係咩？個騷會唔會世界巡演？佢哋做咩事同「園賓」鬧交？睇足本訪問片啦！
