【Viu】一連4日共12場《Hi MIRO!見面祭》今日正式開鑼，由Edan呂爵安打頭陣，仲有「正印」小儀做主持，真係開心返埋嚟呀！期間Edan抽出5位幸運爵屎嘅心願卡，當中一位要求佢車自己返屋企，「ED偶像」大方應承，開心死咯！抽到有Fans話想同佢一齊打麻雀時，Edan即刻澄清阿Jer嘅「麻雀王排行榜」係錯嘅，Jerdan世一互Mean又嚟喇！
抽完願望卡後，Edan仲主動走落台親近Fans，又同Fans影大合照。當然唔少得分享告別九展嘅感受，Edan除咗唱自己嘅歌外，又借馬來西亞歌手菲道爾嘅《人生，起起落落落落落？》嚟憑歌寄意，「ED偶像」其實都好有深度嘅，Respect呀！
此外，除咗MIRROR告別九展外，一眾鏡粉都一齊say bye bye，最後一次喺九展做應援，梗係出心出力啦！
(Edan Lui USA Fan Club提供片段)
