【Viu】Jer柳應廷日前推出怪誕系列第二部曲《約齊靈魂在墳墓開生日派對》，邀得Jay Fung作曲、周耀輝填詞，出名唱得嘅阿Jer，今次都畀Jay Fung考起，事關新歌橫跨兩個8度，「人格分裂」嘅和音部份錄足6粒鐘添呀！
雖然以生日派對做主題，但Jer直認對住陌生人就似謝師宴嘅毒男，對住熟人先會變「人來瘋」，仲親解MIRROR隊友嘅牌品同牌章，勢必笑到大家肚痛呀！
全程笑到八字眉嘅Jer，自認EQ高兼心理質素好，入行後都唔會畀壓力同是非困擾，仲大方分享平時點樣減壓，原來係做運動喎，喂！阿Jer咁大隻，唔係睇唔出佢咩料呀嘛？
各位「柳柳粉」想知「柳三歲」發過咩惡夢？見過咩怪獸？又想搵邊位隊友扮怪獸？呢個訪問真係一次次滿足晒大家所有願望呀！
