【VIU】《九龍城寨之圍城》票房勢如破竹，截至昨日（27日），港澳總票房錄得$82,513,009，連續27日成為單日票房冠軍，並再創高峰，榮登香港電影史上華語電影總票房第2位！各地票房相繼報捷，內地已突破6億人民幣，並陸續喺馬來西亞，新加坡、越南、英國、澳洲、美國及法國等地上映，喺台灣上映10天更高收2128萬台幣，有望成為2024年最高票房港產片。
黃德斌、胡子彤及張文傑日前四出為電影謝票，有女觀眾讚德斌好有型，而「十二少」胡子彤一見大佬「Tiger哥」德斌亦表現恭敬，司儀問子彤鍾意龍捲風還是Tiger哥，子彤不加思索即回應：「Tiger哥！」笑言因為Tiger哥在場，笑Cry呀！
胡子彤應觀眾要求即場演繹：「我冇跟錯呢個大佬！」現場有女觀眾提出一個大膽要求，子彤尷尬到要匿埋喺德斌背後，場面爆笑。而患先天心臟病嘅小朋友小鐵漢亦有到場觀看謝票場，今次冇再底褲罩面扮「四仔」，而係以另一造型亮相，想睇現場更多精彩互動，快啲入嚟睇片！
