【Viu】近年移居北京嘅陳曉東，最近喺香港成日都見到佢嘅身影，原來係宣傳新歌《蒼鷹與少年》！係咪覺得個歌名熟口熟面咁呢？Bingo！呢首歌嘅內容就係取材至大師宮崎駿嘅電影《蒼鷺與少年》，同時亦係東東嘅歌唱路寫照！
MV方面，係由東東運用AI親自剪輯，簡直係心機之作！但原來呢次並唔係東東嘅「處男剪」，佢自爆10年前自薦剪輯主演電視劇《蘭陵王》嘅插曲MV，對足一女子兩個星期，連佢自己都話勁情深呀！
適逢東東入行30年，佢準備咗份驚喜大禮送畀fans，就係宣布舉行巡迴演唱會，8月率先喺廣州啟動，緊接連唱足8個內地城市！咁幾時先唱到嚟香港呀？香港fans等到頸都長啦！
另外，東東喺娛樂圈打滾30年，相信佢必定有好多深刻回憶，呢次東東更大方share黑歷史！講到想挑戰嘅事，佢竟然話拍情慾戲係小case？咁大膽？仲拋埋條橋出嚟？咁爆？想知有幾爆就要睇片啦！
