【viu】MakerVille劇集《麻甩媽咪》今日開鏡拜神，MIRROR成員Frankie、Tiger、COLLAR隊長Gao、黃德斌、余香凝、陳秀珠、陳安瑩、陳輝虹同黃文慧等齊齊切燒豬，祝願由頭好到尾！
Frankie首度榮升「嗲哋」，笑言好耐冇見過自己黑髮，有啲唔慣。雖然同余香凝親熱戲欠奉，但大讚小童星精靈活潑，仲會氹返好攰嘅「爸爸」，so cute！Tiger就話角色可愛又浪漫，花招百出力追Gao，咦，咁似唔似現實中嘅自己呢？喺外媒訪問度坦承非單身嘅虎仔仲話：「我現實生活都好美滿！」明晒啦！
講到6月8號嘅演唱會，「虎皮」直言「首本名曲」係必唱，虎仔仲會加碼「霆鋒式」演出，嘩嘩嘩！齋聽都有Feel呀！
此外，陳秀珠、陳安瑩同黃文慧原來都係鏡粉，珠姐雖然好鍾意Ian，但都大讚「阿仔」Frankie好乖；陳輝虹就係相隔30年再拍劇，令人期待！
