抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now.com】將在7月於紅館舉行一連13場演唱會的天后鄭秀文（Sammi），日前推出的新歌《心魔》今日已有MV上架。今次是Sammi首次飛到泰國拍攝MV，而MV導演、拍攝團隊、40位舞者和排舞師全是泰國陣容，加上分別在舊式劇院和郊外的校園取景，令Sammi感覺新鮮，又指拍攝某些鏡頭會「起雞皮」！
Sammi表示：「今次MV比較特別，親身飛到泰國搵咗一位當地導演操刀，整個拍攝團隊、Dancers、排舞師等，全部都係嚟自泰國，去製作呢首新歌《心魔》嘅MV。事緣喺YouTube睇到一首歌嘅MV，呢位導演拍攝嘅風格，我好鍾意，入咗腦，記喺心裏，好大嘅憾動，如果搵到佢拍MV一定可以將首歌昇華，多謝經理人（郭啟華）搵到呢位導演，做到呢件事。我自己一路拍攝，某啲鏡頭我甚至會起雞皮，Dancers唔只係跳舞，佢哋身體嘅率動，都好多情緒喺入面，絕對幫我呢首歌畫面處理到真係極緻嘅狀態。」
Sammi在MV中有不少獨特造型，其中一件大褸更重量十足，令Sammi舉步難行。問及她拍MV最難忘是那個時刻和造型？她說：「每一個時刻、每一個場境我都好鍾意，導演處理每個場口和細節，燈光和意境都好唔一樣，再加上我為咗呢個MV做咗好多造型，營造氣氛，完全揀唔到，每一個場景我都未拍過，就連類似都未試過，所以感覺好新鮮。」
Sammi又指拍攝某些鏡頭會「起雞皮」：「去到現場，最震憾係舞蹈，甚至對嘴唱歌部份，有好多連我自己都意想不到，勾起我好深好Deep嘅情緒走出嚟，令到畫面好強烈。因為嗰刻情感係真實，Dancers亦都係帶住豐富情緒演繹，某啲場面有啲毛管戙，一切都來自真摯嘅情緒。」
