【viu】泰國Rap界天王F.Hero、ERROR成員193、保錡、P1X3L、Tyson Yoshi、韓團XODIAC香港成員Leo同Sing、胡子彤等今日喺啟德出席潮牌活動,193同保錡自認係「九龍灣帽王」,擁有過百頂帽,仲論盡個頭「時大時細」、「時軟時硬」,又推舉另一成員係「ERROR綠帽王」,相信各位404一估即中㗎喇!
至於P1X3L就話5月尾九展騷準備得如火如荼,每日排練6粒鐘以上,Marco仔仲話冇晒雜念添呀!除咗練舞,3子都有操肌,至於會唔會騷肌呢?佢哋就答得好盞鬼喇!
而喺6月底首戰沙灘騷嘅Tyson,直言唔會晒巨肌,咦?咁有冇預計會收到海量比堅尼掟上台呢?TY個反應真係要一睇再睇呀!
此外,Leo同Sing好開心返港出席活動,最掛住屋企人同Fans,仲要狂食住家飯補數。講到下個月XODIAC會喺香港開Fans meeting,佢哋預告有可能唱廣東歌,仲自爆最愛陳奕迅,經常唱畀韓國隊友聽!