【viu】兩位「錯仔」肥仔、保錡今日聯同Candy@COLLAR、Sica一齊出活動，刺激本地消費！4位分別都有唔同嘅使錢靚橋，邊條計仔最好？早前去歐遊嘅肥仔，除咗買個名牌包包畀自己之外，仲買咗條名牌scarf畀媽媽，勁孝順！緊接佢就同阿Dee去咗台灣拍清談節目，話搵咗啲囡囡做嘉賓，但詳情就大賣關子喇！
啱啱出咗新歌《經痛不及我心痛》嘅Sica，本來信心爆棚話想喺CHILL CLUB頒獎禮攞個新人獎送畀媽咪當母親節禮物，但轉個頭佢就「sam hui」話冇信心，原因係驚燈死自己？仲自爆原來上年燈咗保錡，搞到佢最後只係攞男新人銀獎，保錡呢日得知呢個真相，有咩感受？
講到九展即將拆卸，佢哋話都好唔捨得，指每個地方都有美好嘅回憶！ViuTV office亦即搬遷，Candy笑話最近被「通緝」，因為仲未清locker！另外，ERROR嚟緊同MIRROR其中6子加韓國女歌手Jessica開騷，依家籌備成點？有冇袋定兩句韓文冧女神？即刻去睇足本訪問片啦！
