【viu】Lyman香胤宅個人舞蹈劇場《Unspoken》，頭場今晚喺壽臣劇院上演！主角Lyman完騷後孖Rosa韋羅莎、German張銘耀喺後台現身，Lyman受訪笑話緊張過參加《全民造星V》，不過完咗第一場個心情都有放鬆少少！
佢自爆演出期間甩咪好蝦碌，又估唔到自己咁大汗跳到全身濕晒，啲汗仲要滴埋落地下，至於係咪由內濕到外，Lyman怕醜話keep secret啦！對於頭場表演，Lyman自評60分，希望喺餘吓嘅11場會愈嚟愈進步！佢搞笑自嘲喊樣好醜怪，所以盡量都唔畀自己喊，但唯獨有一幕每次演出都會被感動到眼濕濕！
呢次演出Lyman勁晒結實麒麟臂，可以keep到副偈咁正，香太Zoe真係功不可沒！事關Zoe日日都會準備愛心飯盒，Lyman大讚沙律、雞胸超好味，仲提早request尾場嘅comfort food！Lyman亦好多謝老婆幫佢補中文、改善佢嘅懶音，唔知呢位學生用咩方法嚟交學費呢？但就先見到呢位索爆補習老師獻吻以作鼓勵！另外，《造星V》buddy嚟力捧Lyman係咪爆感動？為咗公主抱寶姐操fit body？撳入足本訪問睇Lyman點講啦！
