【viu】婁峻碩、Ashley林愷鈴、韓國真人騷《單身即地獄3》入面兩大型男朴民奎同孫源翊，仲有日本時尚雙胞胎「鈴木姊妹」AMI、AYA現身尖沙咀出席展覽開幕禮，型男索女吸引近百fans到場力撐，勁熱鬧！
最近成日嚟香港嘅婁峻碩再大晒廣東話，咁啱兄弟「九澤CP」邱鋒澤同陳零九聽日（27日）喺香港開騷，莫非會上台做嘉賓？婁峻碩會點答？展覽以花為主題，婁峻碩自認唔係浪漫嘅人，咁耐以嚟淨係送過一次花畀未婚妻焦凡凡！佢又指仲未開始籌備婚禮，但就應該唔會鬧交嘅，因為一切都會讓凡凡，咁答想冧死人咩？至於6月嘅香港騷，婁峻碩就話準備緊，叫大家期待吓呀！
Ashley近日多咗個創作女歌手新身份，佢笑話宣傳嗰陣未試過咁緊張，特別喺拍MV好大壓力！仲搵嚟George@P1X3L做男主角，Ashley怕醜話係自肥，咁下次會唔會搵緋聞男友Angus楊天宇做男主角呢？Ashley又話之後想同兩位「鏡仔」Ian、AK合作，可以寫關於人生哲學主題嘅歌咁話！
兩位韓國型男朴民奎、孫源翊都係首次來港，對香港嘅第一印象係好似身處喺電影場景咁，又話有睇開香港電影，一落機就去食黯然銷魂飯，自稱好鍾意周星馳！之後仲想食點心、搭山頂纜車等！講到佢哋喺《單身即地獄3》憑fit爆body成焦點，佢哋笑話依家冇晒啲肌肉，餓篤茄？另外，再嚟香港嘅鈴木姊妹就話今次最想睇夜景，即刻去片聽吓佢哋仲講咗啲咩啦！
