【viu】電影《九龍城寨之圍城》今晚舉行慈善首映禮，影壇「大哥大」洪金寶率領一眾演員，古天樂、任賢齊、林峯、劉俊謙、胡子彤、German張文傑、黃德斌、伍允龍、Cecilia蔡思韵、張松枝、喬靖夫現身！席間更首度揭曉戲中隱藏角色，就係郭富城，全場即刻起哄！
洪金寶指今次過足戲癮，又大讚「九龍城寨」場景還原度超逼真！問到邊位演員嘅演出最驚艷到佢？大哥大笑指係古天樂！而古天樂就點名Cecilia最打得，事關有場戲係被Cecilia掌摑，笑話應該打咗超過100巴，打到塊面都有掌印，最後要冰敷成晚先散到紅！
講到小齊為電影犧牲剃光頭，動刀嗰個正正就係導演鄭保瑞！小齊搞笑話遲啲同瑞導剃頭「報仇」！古天樂近日喺網台節目接受懲罰着泳褲，謝票嗰陣會唔會再着派福利先？係咪好想知佢點答呢！大哥大又自爆呢個moment最想拍愛情床上戲，有咩對手人選？
「Kowloon 4」林峯、劉俊謙、胡子彤、German聚埋一齊就笑料百出！林峯指同「爸爸」城城冇對手戲，亦對冇得同大哥大對打覺得可惜，所以勁羨慕German可以畀大哥大兜頭打咗兩拳咁話！German笑稱嗰兩拳係畢生中，未試過被打都咁溫柔！啱啱喺台灣飛番嚟出席首映嘅劉俊謙，因之前優先場缺席而認衰仔兼向3位兄弟獻吻「賠罪」！提到女友Cecilia掌摑古天樂，佢笑話一早知佢咁大力，咁清楚⋯莫非劉俊謙之前都試過被打？即刻去片睇足本訪問片！
