【Viu】430係姜濤25歲生日嘅大日子，由於撞正MIRROR 要準備巡唱新加坡站，正日唔喺香港過，姜濤香港後援會特意趁姜Admin農曆三月十五正日生日嘅大日子，喺主題樂園舉行《海洋王國．生日慶典》，同「姜家人」齊齊慶祝！雖然今日掛起黃色暴雨兼雷暴警告，但都無損「姜家人」熱情應援，高呼要為姜濤「遮風擋雨」，好Touching呀！
現場佈置充滿童話色彩，除咗有美人魚Look嘅小姜姜同小濤濤外，仲有大量戶外打卡位，包括「姜記冰室」、姜式甜品、懷舊霓虹燈牌、姜叮、姜姜纜車、攤位遊戲等，目不暇給呀！至於室內都展出3套演唱會服裝，仲有限量精品「美人魚小濤濤」出售，大排長龍呀！
