【Viu】「教主」盧瀚霆(Anson Lo)出晒名勤力,早前喺MIRROR完成英國站巡唱後,即刻轉飛巴黎拍攝新歌《深閨》MV,靚人靚景搭配甜到漏嘅歌詞,無限Loop是常識吧!
教主表示《深閨》係目前最鍾意嘅慢歌,Wyman嘅歌詞仲講中晒自己嘅拍拖心態,佢話:「其中一句歌詞係『拒絕再做凡間千人迷』,好Relate到自己,同埋佢令我思考到,如果有一日我真係拍拖,係咪要放下自己工作上嘅Anson Lo?係一首好Personal嘅慢歌,所以我喺錄音室唱嘅時候係有唱到喊。」
「巨蟹撈」仲坦承拍拖後會變住家男:「放工即刻返屋企,然後喺屋企食飯睇戲,瞓覺攬埋一齊;假期都未必出街,兩口子一齊煮吓嘢食、飲杯咖啡,就已經好好。因為如果我鍾意一個人,都好想24小時黐住佢,做乜都OK。」咦?唔知到時會唔會煮教主名菜「煎冬瓜」呢?(講笑)
想知教主最鍾意MV邊個場口?喺巴黎發生咗咩趣事?買咗幾多嘢?睇足本訪問就知啦!
足本訪問: Anson Lo首踏巴黎拍《深閨》MV 被Wyman歌詞觸動唱到喊 「巨蟹撈」願被愛人私有化