【Viu】台灣男神許光漢同日本女星清原果耶今日喺香港，為新片《青春18×2 通往有你的旅程》現身《第四十八屆香港國際電影節》紅地氈，吸引大批「許太太」瘋狂尖叫撐「許老公」，超High呀！首次來港宣傳嘅清原，自爆一到埗就食咗燒賣，又叫小編推介地道美食，Kawaii呢！光漢聞言即推薦菠蘿油，仲話今次會喺香港留多幾日，但避談係咪嚟拍電影。
期間二人分享拍攝趣事，又互晒日文同台語，默契十足！光漢話最難忘係有一場戲要揸電單車載清原去夜巿，雖然揸得特別小心，但第一次坐電單車嘅清原都話有啲驚呀！既然咁啱Key，如果下次合作又想挑戰咩片種呢？估唔到兩位幾心有靈犀喎……想知就睇足本訪問啦！
