【Viu】距離金像獎頒獎禮仲有幾個星期,Viu1HK繼續為大家訪問各候選人!今次有⋯憑《白日之下》嘅院長「章劍華」入圍影帝嘅林保怡!入行接近40年嘅林保怡,至今拍過成50齣電影、「分裂」出多個角色後,終一嚐被提名影帝嘅感覺!佢話第一時間真係要多謝老闆古天樂科水投資,先至有依家橫掃金像獎16個提名嘅成果!的確猛料!
林保怡分別喺歌、視兩大範圍都攞過大獎,依家只係爭個電影獎!而佢亦信心爆棚話有信心撼贏梁朝偉、黃子華稱帝,更搞笑講定屋企有位擺添!佢又回想起30年前仲係影壇初哥、拍《辣手神探》嗰陣嘅難忘事,面對神級影帝周潤發係幾咁大壓力!另外,講到今屆嘅5位準影后,唔知林保怡又睇好邊位?如果有機會一次過晒冷同呢5位女演員合作,佢又有咩good idea?講講吓,佢仲度咗幾個劇本出嚟添!去片聽林保怡點講啦!
金像獎專題: 「準影帝」林保怡有信心爭贏偉仔子華 笑言應得演技細胞分裂獎 感謝古天樂:冇佢冇《白日之下》 難忘拍《辣手神探》得周潤發照顧