【VIU】《王雙駿HATS ON音樂會》喺會展熱唱，好耐冇見嘅謝霆鋒，鬢咗幾條辮咁chok爆孭住結他出場，自彈自唱經典歌《潛龍勿用》，全場即拍爛手掌！結他solo部分更係型到地裂！唱完秒變裝，用最磁性嘅聲線同fans打招呼：「好耐冇見！」仲激罕冧爆話：「掛住你哋！」
驚喜一浪接一接！林海峰、葛民輝@軟硬天師齊齊戴帽、戴假髮扮Carl叔叔登場，high爆唱《Gala Gala Happy》！之後仲「騎劫」咗個唱突變talk show，先邀請正牌Carl叔叔影合照，場面笑爆嘴！軟硬又搞笑扮受拉姑所託，叫Carl叔叔幫口叫霆鋒開騷，唔知傾唔傾得掂呢？最好笑係今晚狄波拉都有嚟捧場嘛，最後軟硬仲自嘲係「監製惡夢」，而雙Jer就係「監製恩物」！
之後出場嘅歌手係吳林峰，唱《樂壇已死》中段，有金Jer加入合唱，超surprise！最後竟然仲有「吹臣」Eason陳奕迅，一曲《敬菸》炒熱全場氣氛！佢又同Carl叔叔大談組樂隊The Duo Band事，台邊保留住已逝結他手成員Ellen盧凱彤之位。
