【Viu】日本人氣男團Travis Japan旋風訪港宣傳首張專輯《Road to A》,行程中仲首次參與香港電視節目,為ViuTV《Chill Club推介》錄影,令七子鬼咁期待!雖然佢哋今次只係第二次嚟香港,但就勁有誠意學定幾句廣東話傍身冧fans,其中有幾位成員原來係撩妹達人嚟添!
Travis Japan唔止跳唱專業,講到構思reels、出post亦係expert!究竟點先可以拍出一條受歡迎嘅短片?七子大方公開流量密碼!佢哋更話想喺香港夜景前拍跳舞片,甚至希望喺某條著名嘅街道拍MV!係咪好想知邊條街呢?七子仲解構新碟名入面嘅「A」意思,又有票選成員們最鍾意嘅一首歌,然後清唱畀大家聽!唔知佢哋有冇機會搞亞洲tour呢?
另外,下星期四(14日)就係白色情人節,Chaka自爆細個被瘋傳「Chaka超勁回禮傳說」,係一段點嘅故事?咁就真係要睇片先知啦!