【Viu】《Fragments of Wonder 鄭中基世界巡迴演唱會2023》香港站尾場今晚喺紅館舉行。除咗經典歌，Ronald仲唱咗一系列佢主演嘅電影主題曲，包括《星光伴我心》、《猛龍特警隊》、《有種》、梗唔少得全場大合唱《無賴》啦！小編真係由細聽到大㗎！
話晒尾場嘉賓，級數要有返貢上下，有請古天樂！古仔同Ronald一齊同觀眾握手收利是，Ronald公開佢同古仔點樣friend，古仔罕有搞笑，嘲笑Ronald個舞台似狗骨，仲要長出菇仔，又教人點開日夜繽紛演唱會！而Ronald就爆古仔秘密，話佢開工前因為一件事而要早幾粒鐘起身，又話古仔鍾意幫手拎嘢！古仔仲反客為主叫埋台下嚟睇騷嘅梁詠琪、193、Fatboy、Locker林家熙、胡子彤、陳明熹上台嚟個大雜燴唱《男朋友》添！OMG正到救命呀！
最後，Ronald又重提飛機醉酒鬧事單舊聞，搞到歌唱事業停頓咗，又自稱無賴，快啲入嚟睇現場實況片啦！
