【Viu】七仙羽師傅今日喺尖沙咀出席慈善活動，仲開金口獻唱，老公阿龍亦陪伴在側，超級Sweet！七師傅表示新年超級忙碌，各大電視台藝員紛紛上門拜年，每日派十幾廿萬利是，至今已經派咗過百萬利是喇，大癲呀！
講到193投訴畀師傅冷待，師傅就解釋自己忙到冇時間覆33訊息，仲爆3爺搬咗去某著名海景豪宅，之後會免費幫佢睇風水咁話！師傅又預告ERROR喺龍年大旺，但自己就唔敢同宇宙天團合唱啦，廢事搞彎晒喎！
過兩日就係元宵佳節，師傅仲醒咗啲貼士畀大家招桃花，笑Cry呀！最後師傅親解畀網友控訴騙財過百萬嘅傳聞，真係聽到師傅講嘢嘅氣勢，就知佢咩料啦！
