【Viu】泰國男神New Thitipoom、周秀娜、Day@COLLAR、Nancy歸綽嶢同Jaime張天穎今日出席品牌活動，New大晒廣東話打招呼同講多謝，又不停同圍觀Fans揮手兼派心！New多謝工作人員買咗好多自己最愛嘅蛋撻，可以大飽口福，仲話想挑戰動作片，期待呀！
至於Day就話有留意泰國電影同明星，仲分享日前同Lolly Talk遊日本嘅趣事，除咗肉帛相見浸溫泉外，仲有一位靚女被反鎖喺民宿廁所兩粒鐘，係咪好想知呢？
而娜姐就講返同林峯拍MV時，被抱起嗰陣好驚跌親，又話唔介意開金口同阿峯出合唱歌。嘩！會唔會太令人期待呀？想知更多就睇足本訪問啦！
