【Viu】闊別8年，「小豬」羅志祥再次踏上香港舞台，今晚喺亞博舉行《羅志祥EVOLUTION演唱會香港站》，唱盡入行29年嘅經典金曲，勾起全場集體回憶！
小豬以《修羅》、《No Joke》同《夠了》三首跳唱歌揭開序幕，High爆全場！跳到身水身汗嘅小豬，喺台上即席換衫晒「麒麟臂」，Keep到㗎！難得嚟香港開騷，梗係要笑談廣東話啦，不斷問大家：「食咗飯未？」仲扮拎錢請大家食飯，講吓講吓，又話唔敢講落去，廢事聽日報道標題係「小豬開騷講粗口」，喂呀！好Funny呀！小豬又預告會落台近距離接觸歌迷，但係再三叮囑女Fans唔好用美圖App自拍，點解呢？睇現場實況，聽小豬親自講咪知道囉！
