【Viu】女團COLLAR今日七缺三出席運動品牌旗艦店開幕禮，隊長Gao孖Day、Winka、Sumling齊齊擺新歌《IDC》pose，呼籲fans一齊玩dance challenge，問到會唔會從中挑選一位參加者俾獎勵？四女笑話好提議，仲即場諗埋禮物添，果然有效率！
最新一集《COLLAR全日制學院》帶大家去水上樂園玩，首次公開水着，Sumling笑指所有人不顧儀容玩得勁投入，咁就真係睇過先知啦！Marf、Winka先後再推第二首solo歌《fOoL##》、《奇異小姐》，其中Winka搞笑話因為首歌名，而最近收到超多奇異果嘅應援禮物添！
同場仲有K-POP男團XODIAC香港成員LEO、SING，佢哋為咗出呢個event專程一早由韓國飛返嚟，其中LEO話呢次係出道後首次返家鄉，勁掛住香港啲嘢食！雖然返嚟短短兩日，但佢哋話一定會抽時間見屋企人！講到韓國興組子團，佢哋話希望可以唱廣東歌，叫fans留言request，仲公開向老闆古天樂爭取開戲添！
「籃球女將」Mandy譚旻萱化身迷妹見NBA球星Donovan Mitchell（當奴雲米曹），抵死笑話第一時間想企埋去度高！最近Mandy忙為新戲《陰目偵信》跑場謝票，大叫好玩！想知更多，足本訪問片報到！
