【Viu】Linda王馨平今日為9月23喺麥花臣場館嘅《王馨平女人馨情演唱會2023》舉行發佈會，獲贈獨臂刀紀念亡父王羽，仲有蛋糕預祝佢8月5日55歲生日。
Linda即席獻唱新歌《威嚴背後》。歌詞一句係「過往我離家出走，今天歸家未敢走……」Linda 自爆係16歲嗰年反叛期嘅親身經歷，但因為冇錢，4個鐘後就死死地氣返屋企。
而過兩日8月5號生日嘅Linda，就同老公飛去日本東京玩幾日，喺台灣嘅妹妹亦會join，更已安排咗日食4餐嘅行程俾Linda，佢話而家有啲後悔！旅行返嚟就要積極keep fit ，Linda話最難係戒酒，想知點解就入嚟睇片啦！
