【Viu】黃夏蕙今日一身女超人look幫護髮公司派傳單，佢自己都好滿意呢個look，因為係BB都鍾意超人，尤其鍾意件斗蓬咁話！
夏蕙BB話自己都好注重護髮，如果有公司或廣告商邀請，唔介意真髮示人添喎！佢仲話嚟緊都會留港，仲同慈善機構合作搞老人院。
不嬲好有計劃嘅夏蕙BB，又話已經諗定下年龍年以小龍女裝扮上頭炷香，咁楊過呢？佢話要保持神秘，真係未出發先興奮呀！而之前網傳BB嘅後生靚相，原來係佢好朋友嚟，可惜紅顏薄命已經唔喺度，R.I.P！
足本訪問：黃夏蕙化身女超人派傳單 留港搞老人院 諗定明年以小龍女look上頭炷香 咁楊過呢？
足本訪問：黃夏蕙化身女超人派傳單 留港搞老人院 諗定明年以小龍女look上頭炷香 咁楊過呢？
