為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【Now.com】鄭秀文（Sammi）將於7月，舉行8場「You & Mi 鄭秀文世界巡迴演唱會香港站2023」紅館騷，早前演唱會海報曝光，大曬弗爆身材，氣勢逼人，連她本人都表示好滿意。
海報中Sammi服飾有型性感，她以全身肌肉線條完美演繹，狀態大勇。對於今次演唱會海報拍攝，Sammi說：「心情又興奮又緊張，好希望拍到一輯好理想嘅海報，無論概念、造型、服飾、攝影，甚至耳環都好講究，帶出不一樣感覺畀觀眾，大家睇到就會明白。」
她還透露事前認真做了一些功課，「我喺拍攝前做好皮膚護理、瞓好啲、做Mask等基本準備，今日影海報呢條裙確實有少少難著，因為剪裁特別又好多元素，有舞台感、高貴感，仲有啲Punk，一套衫有咁多元素，好特別，所以我都要做好身型管理。結果無問題，已經過咗一關啦，我好滿意！」
Sammi身材弗爆，她承認以前飲食比較節制，現在心態較隨意，不變的是堅持勤做運動。「我試過168（ 每天8小時進食），甚至204（ 每天4小時進食），但有時好想食都會照食！依家我好隨心，無限定一個食嘢方式。如果需要著套衫修身啲，就飲食檢點啲，如果套衫輕鬆啲，我有時會一日食三四餐，最緊要做運動，食多啲都唔怕！」她笑言完成海報拍攝，終於可以開懷放縱一下。
這次個唱在7月14至16、18至19、21至23日開騷，一共8場，Sammi十分重視每項細節，她說：「除咗唱歌部份，點樣呈現不一樣嘅演繹方式都好重要，我諗嚟睇Sammi演唱會嘅歌迷，心目中對呢方面都有要求，希望多啲嘢睇、多啲元素。服裝造型，我自己都好鍾意著靚衫，好鍾意Fashion，所以呢方面一定唔缺少。」
至於歌曲和音樂部份，Sammi透露和音樂監製梁基爵合作多年，彼此都希望做到有豐富的視聽效果，喜歡一個演唱會內有不同元素，明言這是她做演唱會的方向。
Photo、Video / 大會提供
