【Viu】「宇宙天團」ERROR成員193去咗英國差唔多成個月拍靈異節目，終於返嚟啦！今朝大約8點半，佢推住行李車步出離境大堂，獲過百位「老婆」送surprise熱烈歡迎！33勁識做咁走埋「老婆」身邊say hi兼收「家用」，一日不見如隔三秋咁款！
唔知係咪個節目太猛，33話佢keep住偏頭痛，喺英國瞓唔好、啱啱搭長途機坐「窮人位」又瞓唔到，所以遲吓諗住搵七師傅「淨身」！不過，33又突然呷醋mode「投訴」七師傅掛住同仔仔happy happy而冇理佢，事關當刻「瀨嘢」唔知點算好！升呢做「少年鬼王」嘅33當然有分享撞鬼難忘事，最後仲有搞笑回應日前被圍剿遲到一事，即刻送上足本訪問片，小心聽到毛管戙呀～呀～呀～
