【Viu】趙學而噚晚首次同管弦樂團合作開騷，坦言係成就解鎖，仲笑言估唔到一把年紀都仲有第一次呀，希望有機會再合作。而管弦樂團指揮蘇潔明（Moon）自爆老公係學而Fans，加上好多團員都鍾意學而，所以促成今次合作；學而即澄清佢老公只係鍾意佢啲歌咋！
講到Rundown，學而係刻意安排齋聽唔唱《假使世界原來不像你預期》，以免爆喊好鬼肉酸！而重唱《尋人》就因為Feel到，嚇到Moon以為自己指揮錯呀！咁點解咁決絕唔encore呢？學而就話係跟返管弦樂表演嘅規矩，又笑指廢事觀眾要等佢換衫扮Encore啦，期待勁True嘅而婆快啲再開騷呀！
此外，學而透露曾經喺電影同吳耀漢合作，大讚對方好願意分享，希望佢嘅家人節哀。
