【Viu】馬來西亞音樂鬼才黃明志,最近宣布即將舉行世界巡迴演唱會,第一站就選擇喺佢第二個家鄉台北舉行,雖然今次冇香港站,Fans們又唔使失望,因為佢之後仲會喺16個城市開騷㗎。呢個演唱會籌備咗三年,並以「大飛機」做主題,佢化身Captain帶領10幾個Sexy空姐同大家見面,仲揚言無底線添。
呢位「億萬歌曲製造機」,創作Idea無界限,性感、賭博都係小意思,佢仲拍過碎屍兇殺案究竟佢仲有咩題材想挑戰㗎呢?除咗貼地嘅生活題材,黃明志喺大馬多元種族文化嘅成長背景下,擅用華語、廣東話、閩南話等唔同語言,創作出豐富多變嘅作品,而韓文、泰文、日文都難唔到佢,上年為咗卡塔爾世界盃,甚至乎連阿拉伯文都唱埋,不過佢就話製作過程搞到佢得返半條人命啊。
黃明志世界巡唱重女無底線 難忘為卡塔爾世界盃做歌冇咗半條命