【now.com】蕭若元昨日在影片平台回應王晶早前在社交平台的批評,在約半小時的影片中先是介紹王晶的背景及入行經歷,再明讚暗踩王晶拍爛片:「如果一個人一生堅持做一樣嘢,我一定敬佩佢嘅,佢有毅力啊嘛。王晶竟然可以堅持40年都係拍爛片。」
王晶早前在社交平台反擊馮淬帆期間,同時間接點名批評多名移居台灣的圈中人士,寫道:「中國台灣是一個奇怪的地方,很多香港人去了之后,水土不服,頭腦混乱,正正常常一個人,會漸漸變儍,胡言亂語」。當中一句「之前有個姓蕭的,自以為是燈神」的批評觸動了蕭若元的神經,蕭生事隔4天在直播時回應事件。
約半小時的直播剪輯影片中蕭若元先是介紹王晶的背景及入行經歷,細數多套兩人合作的作品。後來再明讚暗踩王晶拍爛片:「如果一個人一生堅持做一樣嘢,我一定敬佩佢嘅,佢有毅力啊嘛。王晶竟然可以堅持40年都係拍爛片,無論你有幾多錢畀佢,佢都係拍一部爛片出嚟,除非嗰條友(投資者)會揼佢啦。」指王晶執導時態度不認真,會分神賭馬、打麻雀等:「40年貫徹拍爛片、唔認真嘅精神,從來做事唔認真,當然佢有啲小聰明。」
蕭若元更指自己將王晶看得十分透徹,形容他「六條橋食一世」,包括︰「有錢仔扮窮媾女;窮人男仔扮有錢媾女;有錢女扮窮去媾仔;窮女扮有錢去媾仔」指上述4條橋已佔王晶的作品7-8成。另外再說:「第5條橋,係有條友無端端傻咗,可能撞到頭,唔記得咗自己再復甦,呢個就係賭神;第6條橋,一個好叻嘅人信任親信,最終被親信出賣,佢嘅黑社會橋一定係咁。」概括王晶以6條橋拍足40年,笑言:「點到你唔佩服啊!」