【Viu】發展網上珠寶、精品生意嘅裕美，噚日同男友林作接受節目訪問。對於女友係女強人身份，林作自讚係尋找良好經濟能力嘅伴侶典範，成功騙財騙色，又揭家規兼愛的宣言係「我愛裕美」。
裕美近日喺社交平台出post尋日父，佢透露最新有網民提供Twitter線索，但未獲「爸爸」回覆，之後諗住去日本做嘢嗰陣留多一、兩個星期以唱歌人傳人再搵爸爸，若然貼街招、去埋日本領事館都冇結果就會請偵探幫手。
另外，林作早前不忿被笑指矮過前度麥明詩嘅新歡盛勁為20cm，而向對方下擂台戰書，但又寫錯做「盛品儒」，林作笑認較認識盛品儒，然後話因為之前贏咗鍾培生100萬拳酬念念不忘，希望再次上台獻技，仲直指有專登去診所度高，準確測171cm高。問到可有向麥明詩送祝福？林作話：「好有禮貌唔會評論任何前度，萬一過身都唔評論，係最好嘅尊重！」
