【Viu】 由微辣投資嘅大排檔正式開張啦!今日喺沙田新城市廣場舉行開幕儀式,老細六毫子就話其實已經試業半年,因為疫情關係今日先可以正式開張,仲話投資咗成八位數字添!開張之後仲搞粉絲見面會,六毫子搞笑咁話報名人數成14000人! 嚟緊微辣嘅舞台劇就會開始賣飛,不過佢哋仲未開始緊密排練,加蔥就頂替住聽日要返澳門嘅六毫子先!講到霍哥有份拍嘅《百萬同居計劃》就快開始播出,佢自己都好想同Anson Lo 再合作添!而身高1米9嘅佢竟然拗手瓜拗唔贏Jeffrey,仲話遲啲會post條片同大家開心些牙添!
六毫子自爆微辣成員反對搞大排檔 霍哥盼與Anson Lo再合作 預告會些牙同Jeffrey拗手瓜片