【Viu】ANSONBEAN噚晚出席活動講到已經完成電影《臥底的退隱生活》拍攝，飾演見習神父嘅佢笑話最難忘係最後一場戲大家一齊唱聖詩，自爆等埋位嗰陣唔小心坐爆鏡，又好開心導演加咗啲動作場面畀佢。
而喺呢年ANSONBEAN密密拍打戲，繼《RISE》、電視劇《殺手廢J》後，新歌《LOVE/PAIN》MV三度演殺手，直頭係演上癮添呀！講到喺MV入面被女主角坐大髀，ANSONBEAN話唔算親密，因為都冇錫錫，同埋只要一入咗角色就冇諗咁多，依家最重要係要為男歌手獎拉票！
今年女新人張蔓莎直言想拎新人獎，因為都係個肯定，但就算冇獎都會繼續努力出歌，大家鍾意佢嘅作品已經好感恩、係賺咗！提起上年家姐張蔓姿攞咗女新人金獎，張蔓莎笑話冇接棒壓力：「上年等如我攞咗，佢係我嘅一部分！」姊妹情深真係好鬼sweet！
