【Viu】為驚慄片《致命24小時》擔正做女主角嘅湯怡，首次飾演失明人士嘅佢，當中演出多場被凌虐戲之外，仲有性感造型同出浴戲，難怪佢話係從影以來最性感一次，但當然有做足措施以防走光，可以安心演出。而戲裹跟湯怡演一對夫妻嘅吳卓羲（Ron），後期為利益連老婆都想殺。講到跟何佩瑜（Jeana）有場親熱戲，Ron笑言完全唔擔心對方，但唔擔心係跟Jeana拍過呢類戲，因為大家都會有共識喎！但向來大多拍攝愛情片的葉念琛，今次一改戲路拍攝驚慄片《致命24小時》，其實想向8,90年代的驚慄片致敬。講到最難忘拍攝場面，葉念琛覺得係湯怡被潘燦良舔面，原來拍攝時無靈感，但突然間諗到呢個畫面，雖然當時roll緊機，都大嗌一聲「燦哥舔湯怡塊面！」至於有多場凌虐戲同被潘燦良舔面嘅湯怡，就覺得無論精神上或體力上係挑戰，無諗過拍呢部戲要咁大體力勞動。Ron反而最鍾意自己被殺的戲份，因為拍戲以來所演的角色好少會死喎！
