【Viu】微辣一姐兼唱將Rachel孖Roberto將會喺嚟緊嘅8至11號、九展Music Zone舉行首個香港mini concert，二人對於「破處」大為緊張，Rachel仲話唔敢直視對方，怕被靚仔電暈咁話，男朋友卡特聽到會唔會呷醋㗎？點知Roberto再補多槍：「卡特會見證我哋嘅第一次！」Rachel更不諱言：「佢4晚都嚟要坐喺度睇！」嘩！乜玩到咁大呀？
佢哋信心十足表示成個rundown一定會為觀眾帶嚟驚喜，例如Roberto揚言會騷「口技」，至於騷body啦喎⋯ 佢就話要睇觀眾反應啦！講到連加開兩場，佢哋笑話完全冇諗過，因為當初聽到首輪門票售罄就已經勁感動，Rachel仲話視呢個騷為音樂發展上嘅起點，希望突破舒適圈，畀觀眾由音樂呢方面認識佢哋更多。
