【viu】男團FINALLY爆紅後密密接job，最新就係為女團Lolly Talk嘅新歌《五種愛的密語》首次擔任MV男主角，「Chorus」程人富笑言當初一聽到Lolly Talk同導演Boris呢兩個名，咩都冇問就即刻扑鎚應承，睇嚟真係friend過打band咁喎！「M.I.C.」朱Mic自爆見到8女心心眼，覺得佢哋好有才華又charm，果然係識英雄重英雄呀！
「JPG」阿J就篤爆程人富想有「對口戲」，就連「Fatman」肥蚊都自爆有FF過，事前日日敷唇膜咁話！但點知今次crossover冇同框機會，佢哋笑話影咗張合照頂住檔先喎！問到身邊由麗英、阿冰、童童，換咗Lolly Talk 8個女仔，係咪好有新鮮感呢？朱Mic抵死爆程人富：「佢受到喺公司冇嘅尊重！」究竟有咩令程人富咁沾沾呢？不過見佢沉醉喺幸福氛圍同時，都好識做咁向公司三位「正印」示愛：「但我哋都係好鍾意佢哋3個！」去片評論吓程人富返去使唔使跪玻璃啦！
