【Viu】台灣男神林志穎上個月22號因為喺桃園發生車禍，被途人救後出，隨即送院接受治療，最近有傳聞指林志穎接受手術後惡化，要插胃喉進食，搞到唔少fans都好擔心！車禍後事隔35日，今日(26號)林志穎終於喺社交平台首度出post報平安，透露呢幾日已經出院返咗屋企休養，多謝大家關心同鼓勵之餘，佢亦不忘感謝當日嘅救命恩人，林志穎仲叫大家俾多啲時間、空間佢同屋企人，亦叫大家唔好相信未經證實嘅謠言，表示會好好休養，等身體情況好轉後就會繼續工作！而林志穎嘅老婆陳若儀亦喺IG分享喜悅，話見到三個囝囝陪喺老公身邊嘅畫面，終於可以安心。
