【Viu】鄭融（Stephanie）昨晚（16/7）喺麥花臣舉行一場《TRUTH AND DARE 鄭融演唱會2022》順利完成，唱出多首人氣作品及B-Side歌曲，再以勁歌熱舞回饋歌迷。騷後Stephanie直言一場唔夠喉，解釋因為疫情關係很多騷都延期至呢段時間，所以前後都加唔到場，少少可惜，期望將來如歌迷所講紅館見！
喺台上Stephanie講笑話自己歌衫似枱布大細，所以好多謝造型師花盡心思搵衫：「啱我著嘅可能就好似一塊手巾仔或者枱布咁上下大細，今次啲衫健康性感又有舞台效果，我覺得好靚。」講到條高叉牛仔熱褲，Stephanie話唔會走光絕對安全，因為有好多層。
完成演唱會後Stephanie會短暫休息，希望去食自助餐或放題慶祝，未來再投入新歌《紅綠燈》2.0《安全駕駛》的宣傳工作。
