【Viu】喺家鄉湖南憑選秀節目出道嘅劉雅瑟，早期星路一直浮浮沉沉，直至2012年有機會出演趙薇執導嘅首部電影《致我們終將逝去的青春》，事業先終於有啲起色，亦令佢下定決心專注戲劇發展！為咗追尋電影夢，佢仲一個人嚟香港發展，不過佢呢條路揀啱咗，好快就遇上夢寐以求嘅好角色，獲鄭保瑞導演欽點出演電影《智齒》嘅女主角王桃，精湛嘅演技為佢奪得第28屆香港電影評論學會同2021年度香港電影導演會頒發嘅最佳女演員獎！相信好多觀眾睇完《智齒》都會好佩服劉雅瑟驚人嘅忍耐力，每日拍攝都伴隨住一身污水，垃圾渣滓同新添嘅傷痕，唔好話女仔啦，就連麻甩佬都分分鐘頂唔順！就係呢種搏命嘅專業態度，抵佢入圍今屆金像獎最佳女主角！
