【Viu】《第94屆奧斯卡頒獎禮》喺香港時間今日朝早舉行，韋史密夫憑住《王者世家》以大熱姿態封奧斯卡影帝，成為第5位黑人影帝，認真威水！不過喺攞獎之前，韋史密夫已經踩咗上台嘞，事緣係當美國著名諧星基斯洛克準備頒「最佳紀錄片」嗰陣，拎有脫髮症嘅珍達娉琦嚟開玩笑，話佢嘅髮型好似電影《伴我雄心》入面嘅狄美摩亞，搞到韋史密夫嬲到要上台打人護妻，事後分享得獎感言嗰陣，韋史密夫都有借戲中角色解釋返自己點解會出手打人。
而影后寶座由謝茜嘉謝西婷憑《神聖電視台》爆冷勝出，揮低大熱妮歌潔曼；最佳男女配角就《心之旋律》嘅Troy Kotsur同《西城故事》嘅Ariana Debose奪得，Troy Kotsur更係首位拎「最佳男配角」嘅聽障演員，電影《心之旋律》亦獲得「最佳電影」，而日本電影《Drive My Car》就獲最佳國際電影。
