前台灣組合飛輪海成員吳尊近年長留大陸工作，仲帶埋老婆仔女一齊上真人騷賺人仔。出生於汶萊嘅佢心繫大陸，曾多次讚揚當局防疫工作，又透露有意安排仔女到大陸升學。今晚吳尊宣布，佢哋一家4口已搬離汶萊，正式移居大陸！
今年初吳尊一家喺上海過年，到2月中飛到汶萊，喺所住豪宅進行家居隔離。粉絲原本以為吳尊打算返家鄉住一排，估唔到呢趟旅程係為執拾家當搬屋。今晚吳尊喺微博Po出一家人飛抵大陸嘅相，宣布移居上海：「是的，我們搬來中國了，新的生活，新的夢想，新的體驗，期待創造更多美好的回憶。」
Photo／Weibo@吳尊
Photo／Weibo@吳尊
吳尊表示總共執咗23箱，合共450公斤行李到大陸，似乎抱住好大決心移居。佢多謝阿女NeiNei同阿仔Max協助搬行李，又指「一家團結就是力量」。
Photo／Weibo@吳尊
Photo／Weibo@吳尊
Photo／Weibo@吳尊
不少大陸網民留言表示歡迎，亦有人提醒吳尊要交税：「看中國強大了，又是防疫做的最好的國家，所以拖家帶口來圈錢了？記得按時交稅哈。」吳尊回覆時冇提交稅，但就讚揚大陸強大：「中國有很多的好…請你相信自己的祖國有多強大。」
Photo／Weibo@吳尊
