本港疫情持續，無論係居家隔離或者留家抗疫，當然唔少得煲劇娛樂。黃Viu煲劇平台公布二月收視排行榜，由鄭智薰（Rain）、金汎、Uie同Apink孫娜恩主演嘅醫療喜劇《Ghost Doctor》登榜首，劇集唔止卡士強勁，而且劇情有趣、有笑又有淚，絕對不能錯過！
鄭智薰（Rain）、金汎醫療喜劇《Ghost Doctor》
黃Viu劇集收視排行榜頭五位，分別為《Ghost Doctor》、《女神降臨》、《衣袖紅鑲邊》、《勿說是推理》同《花開時想月》，其中四套都係韓劇，而且以喜劇居多，似乎觀眾都偏向追睇輕鬆歡愉嘅劇集，度過嚴峻嘅抗疫時期。
漫改愛情喜劇《女神降臨》
菅田將暉推理日劇《勿說是推理》
而綜藝方面就由韓國綜藝節目穩守頭五位，包括人氣節目《我獨自生活》、《玩甚麼好呢》、《我家的熊孩子》、《認識的哥哥》和《兩天一夜第四季》。當中《兩天一夜》有新成員羅人友加入，第一次拍攝就蕩失路行足幾個鐘山，憑住超樂觀性格同年輕幹勁大放笑料，收視亦節節上升！
《兩天一夜第四季》
舊年黃Viu付費用戶數目大增至840萬，除咗香港市場之外，泰國同印尼兩大主要市場嘅增長亦非常強勁。有見及此，黃Viu就宣布將會加大投資Viu Original原創內容，今年預計製作超過30齣原創作品，並會喺所有市場全線上架，各位劇迷敬請期待。
《Remember 15》2月22日起每週二三上架
《軍檢察官多伯曼》2月28日起每週一二深夜上架
日本醫療綜藝《健康就要X》將於3月16日獨家登陸「黃Viu煲劇平台」（網上圖片）
