藝人馬國明（馬明）與湯洛雯（靚湯）前年公開戀情後，不時在社交平台放閃，粉絲都睇好這一對終成眷屬。今天是馬明48歲生日，靚湯搭正凌晨12時晒出頭貼頭合照，向男友送上祝福︰「生日快樂，最重要身體健康，我的大細路。」
不少網友都覺得馬明、靚湯越來越有夫妻相，祝福二人早日成婚，「結婚啦好登對」，「玄斌、孫藝珍都結婚，你哋仲唔快啲！」近月與男友訂婚的陳煒也向馬明催婚︰「襯到爆！閃到盲！壽星仔快啲娶老婆啦！」馬明則在女友貼文下留言︰「希望大家都身體健康，一家人平平安安。」
Photo／FB@湯洛雯 Roxanne Tong
「明湯戀」公開未夠兩年已屢傳婚訊，馬明一直表示有好消息一定會通知大家。去年元旦靚湯曾許下承諾，指如果馬明2021年再奪視帝，他們就會結婚。至年尾，馬明雖然未能成功冧莊，但就承認正物色新居作婚後愛巢，看來離公布「好消息」的日子不遠。
馬明、靚湯認愛後，各自將IG頭像轉為獨角獸及小馬公仔（Photo／FB@湯洛雯 Roxanne Tong）
Photo／FB@湯洛雯 Roxanne Tong
