古巨基即將回歸樂壇，於2022年出新碟，昨晚基仔出post預告將會同新世代歌手Tyson Yoshi合作，兩人日前進行視像通話傾合作，細細個就聽古巨基唱歌嘅Tyson形容整件事好夢幻。
基仔即將回歸樂壇（Photo／古巨基Facebook）
Tyson指以前唱K很喜歡唱基仔的歌，「《必殺技》、《愛與誠》，我細個第一首認識你嘅歌其實係《至叻小人類》嘅片頭曲，後尾先再知道《友共情》。對我嚟講，到而家仲好夢幻呀呢件事。」基仔坦言自己都有同感，他直言有上youtube聽Tyson的歌，「我識你嘅第一首梗係《Christy》啦，《Something》除咗聽你嘅MV版，我有睇過你acoustic版本。」
基仔透露找Tyson合作的原因是因為看過他一個訪問，「訪問入面講，因為你行咗一條路，做咗一個model出嚟。好多人都好鍾意唱歌、音樂，好想你俾意見點樣去行，你就係話俾大家知只要做好自己手上喜歡嘅嘢。」Tyson所說的與基仔project宗旨不謀而合，所以基仔想邀請他合作，也希望愛唱歌、愛音樂的人受到啓發。
Photo／古巨基Facebook
這次企劃基仔想邀請不同新晉歌手將其歌曲remake，但就不會選用唱到街知巷聞的金曲，Tyson亦十分同意，認為remake很難取替大眾本身對歌的印象和情感。Tyson又自爆原來從未入過錄音室錄歌，以往所有歌都靠自己一支咪，在房間進行錄製，「呢支咪錄晒我所有歌呀，我全部喺房自己搞掂㗎喎。」而因為今次合作，Tyson將能一嘗入錄音室的滋味，令他非常興奮。
Photo／古巨基Facebook
