「試當真」成員蘇致豪（蘇豪）、許賢化身 MC $oho & KidNey 推出歌曲《係咁先啦》紅遍網絡，他們與成員劉展翹（Jackie）一同擔任黃Viu《同煲同BLOW》的嘉賓，許賢坦言他的二次創作配音片深受廣播劇影響，又齊齊試為韓劇配音。
許賢及蘇豪（Photo / 大會提供）
Jackie（Photo / 大會提供）
蘇豪、許賢及 Jackie 憑二創配音片為人熟悉，當中不少都是惡搞劇集或動畫的短片。許賢與蘇豪均認是動畫迷，又指為動畫配音比劇集更方便：「因為動畫天馬行空，做配音片時會彈性大啲，嘴形又會易配啲，相反劇集配音要配合返演員個嘴形逐粒音配，試過用咗足足一個星期去配一條短片，連行路聲、撳電話聲都要配埋。」
Photo / 大會提供
許賢亦坦言主持人DJ麻利是他的靈感來源：「我以前成日聽麻利嘅廣播劇 ，覺得把聲好好聽，所以讀大學時受麻利影響，成日創作廣播劇。其實配音片嘅底蘊都係廣播劇，只係多咗畫面，所以我好欣賞廣播劇帶來嘅靈感衝擊，因為每個聲音都要好準確地出現。」
Photo / 大會提供
三人於節目中「回歸老本行」，挑戰為黃Viu最新古裝韓劇《衣袖紅鑲邊》配音。幽默的蘇豪以「謎之女聲」反串女主角李世榮，令眾人都不禁竊笑。蘇豪笑言這把「謎之女聲」是偶然間發現：「我記得呢把怪聲係同許賢喺一個同學屋企發現，嗰時我發緊脾氣，但又想禮貌地發脾氣，唔想用真聲同對方溝通，最後就發現自己有呢把聲出現。」
Photo / 大會提供
Photo / 大會提供
