無投資者、100%由觀眾決定係咪開拍嘅電影《堅尼地道殺人事件》，邀得影帝黃秋生主演，齋聽「眾籌開戲」已經非常新鮮，吸引唔少觀眾留意，加埋「黃秋生」就無得唔課金啦？
Photo / kickstarter@《堅尼地道殺人事件》
電影《堅尼地道殺人事件》採用眾籌形式獲得拍攝資金，最後開唔開到戲全取決於觀眾支唔支持。電影靠13分半鐘預告交代故事前傳，秋生表面上係一位教車師傅，其實係地下集團首腦，靠販毒及殺人等不法勾當獲取暴利，專向「老屎忽」同有錢人下手，以撞車形式殺人以獲取輕判。
眾籌嘅電影《堅尼地道殺人事件》，就發生喺預告短片時空的幾年之後，黃秋生嘅生意已經發展成集團式管理，更以洗腦方式向年輕人灌輸仇富思想，以暗殺有錢人同販毒等工作從而「令世界變得更好」。
Photo / kickstarter@《堅尼地道殺人事件》
Photo / kickstarter@《堅尼地道殺人事件》
如果想無償支持，就鍾意課幾錢金都得，而想有啲「揸拿」，最平港紙$168就有一張電影網上戲飛送返，$388就送埋電影海報，支持方案由$168到$74,888不等。
Photo / kickstarter@《堅尼地道殺人事件》
目標今年10月24日之前籌得1000萬就可以開戲，現時眾籌計劃推出兩日，就籌到逾55萬，雖然距離目標仍有一段距離，不過故事題材及眾籌形式都相當新鮮而吸引，網友睇完預告都有讚無彈，相信能成功開戲的機會頗大，想支持嘅朋友除咗課金之外，都記得Share埋畀朋友一齊支持香港電影。
Photo / kickstarter@《堅尼地道殺人事件》
-
檢討報告批醫管局權責不清 員工階級觀念發現問題不敢上報1小時前 -
警搗破太空油製毒工場 檢獲240萬元貨38分鐘前 -
金正恩稱朝美談判走到盡頭 核戰一觸即發38分鐘前 -
歐爾班將邀請內塔尼亞胡到訪匈牙利 並保證不拘捕對方46分鐘前 -
8男女涉明愛醫院及口岸爆炸案 兩被告曾認引爆羅湖站炸彈57分鐘前 -
財委會通過撥款335億推行取消強積金對冲計劃1小時前 -
繽紛冬日巡禮西九文化區藝術公園海濱舉行1小時前 -
英王查理斯三世加冕典禮開支達7200萬英鎊 被斥浪費公帑1小時前 -
賴清德將訪問南太平洋三國 外交部：謀獨挑釁不可能撼動國際社會堅持一個中國格局1小時前 -
中國擴大免簽證入境國家至日本等9國 並增加免簽入境目的和延長逗留期限1小時前
