鋼琴家李雲迪徒弟、被封為大馬鋼琴女神嘅李元玲(Cathryn),一向喺社交網都以性感照出名。前日佢突然宣布「封胸」,不過今日就照派福利,大騷白滑美腿同事業線。
Cathryn 熱愛健身,所以喺佢 Instagram 不難見到「極少布」穿著嘅相,盡展緊緻結實身材。前日佢就突然預告之後會著返多啲衫,大幅減少「福利照」,更直接叫「無胸就唔畀Like」嘅人Unfollow 佢。唔少網友當時留言指只係想睇佢騷腹肌,亦有人話「有腿也行」。
今日 Cathryn 又再出 Post,見到佢坐喺度彈吉他,但依舊著得相當清涼,以超幼帶小背心配熱褲,大露白滑美腿同事業線。
有網友反問佢「又話越黎越多布?」不過相比以往嘅「噴血」打扮,今日呢套對佢嚟講可能已經算係好保守。